Witajće

Rjenje, zo sće na moju stronu dóšli!

Předstaju Wam tule swoje twórby, na čim runje dźěłam a štó sym.
Jeli maće prašenja, přeća abo přispomnjenja - wjeselu so přez připisy.

 

Nowostki

nowember

Tu změju swójsku literarnu nazymu:

Štwórtk wječor, 8. nowembra su wšitcy zajimy 18.30 hodź. přeprošeni do Chrósćic, čitam w Krawčikec korčmje z krimija "Módre buny".

9. nowembra wopytam 12. lětnik Serbskeho gymnazija a čitam tohorunja z "Módrych bunow", na čož přizamknje so zawěsće zajimawa diskusija.

11. nowembra, na swjateho Měrćina, móža so wšitke serbskorěčne dźěći w Lipsku wjeselić: Změjemy zhromadneho swjateho Měrćina, na kotrymž jim tež čitanku "Hura, prózdniny" předstaju.

Moja najnowša kniha

Módre buny

Ludowe nakładnistwo Domowina 2018, 210 str.

 

W Budyskim wolejbulowym towarstwje Běła Hwězda je so strašny njeskutk stał. Nětko přepytujetaj młoda komisarka Janka Žurowa a jeje kolega Alek zhromadnje pad. Tola tež priwatnje so tójšto njewočakowaneho měnja.

 

Projekty 2018

 

Tak pomału přińdźe zaso čas, so nowym, tež wjetšim projektam wěnować:

  • Pisam na nowej konjacej knize za dźěći.
  • W "Płomjenju" je so nowa dwulětna serija započała pod titulom "Naš mały statok" z nowej ilustratorku: mojej sotru Hanku Šěnec.
  • Za Serbski rozhłós nastawa wjetša słuchohra pod titulom "Kuzłarske recepty". Emilija a Frida wotkryjetej magisku receptowu knihu na łubi swojeje wowki. Što so po tym wšitko stanje, słyšiće lětsa w rozhłosu. Informuju Was, hdy tak daloko budźe.
  • Nimo toho sym staršu nitku zaso do ruki wzała: Pisam za hornjo- a delnjoserbski rozhłós małe słuchohry za dźěćacy postrow, štož mi wulke wjeselo čini.
Druckversion Druckversion | Sitemap
© 2017 Lubina Hajduk-Veljković