Přełožene knihi a słuchohry

Ludowe nakładnistwo Domowina 2017, 144 str.

Je to młodźinska kniha, kotruž sym ze serbišćiny přełožiła. Hłowna wosoba je 13-lětna Sofija, kotraž po nocach wo swojich dožiwjenjach z dwěmaj wowkomaj na kupje Hvar rozmysluje, ale tež wo žiwjenju a jeho njesprawnosćach, wo kuntworach a wězo tež wo hólcach. Štó pak su wony dźěd a naduty hólc, na kotrychž wowka tak alergisce reaguje? Što je so w zašłosći stawało, wo čimž wona ničo njewě?

Kniha je w lochkim a zabawnym stilu napisana, jima pak to tež chutnych temow. Mjeztym je sej hižo wjacore myta wudobyła.

Ludowe nakładnistwo Domowina 2013, 198 str.

Mortwa w grobli je zdobom prěnička Beaty Mičerlichoweje a prawy błótowski krimi. Ma zajimawe a swojowólne figury, prawu błótowsku atmosferu a napjaty plot. Što trjebaš wjace za nazymske popołdnjo, hdyž chceš so raz do hinašeho swěta zanurić?

Tuta słuchohra bu w lěće 2003 w Serbskim rozhłosu wusyłana. Je to zabawna stawizna wokoło piratowskeje łódźe a jeje dyrdomdejow.

Ludowe nakładnistwo Domowina 2001, 200 str.

Je to dźěćaca kniha Ivana Kušana ze serije "Koko", mój prěni knižny přełožk zhromadnje z mojim mužom Dušanom. W małym krimiju wuslědźi Koko, čehodla ma jeho sobušuler Marko dwě mjeni a čehodla chodźi samo do dweju šulow. Dyrdomdejske powědančko je w lěće 1995 w Zagrebje wušło.